اسلام آباد۔13مارچ(اے پی پی):وفاقی وزیرصحت عبدالقادر پٹیل آکھیے سندھ تے پنجاب اچ سنوار توں شروع تھیوݨ آلی انسداد پولیو مہم دے دوران 21 ملین توں ودھ ٻالاں کوں حفاظتی قطرے پلائے ویسن ۔ سنوار کوں وزارت صحت توں جاری بیان موجب وفاقی وزیر آکھیے ستویں قومی مردم شماری دی سرگرمیاں دی وجہ توں پنج ݙینھ وار دی پولیو مہم ݙو مرحلیں اچ تھیندی پئی اے ، پہلے مرحلے اچ 13 توں 17 مارچ دے دوران پنجاب دے 13 ضلعے ، سندھ دے 16 اضلاع اتے اسلام آباد اچ 5 سال توں گھٹ عمر دے 17.41 ملین توں ودھ ٻالاں کوں پولیو دے حفاظتی قطرے پلائے ویسن ،ݙوجھا مرحلہ 3 توں 7 اپریل تئیں ہوسی ۔ انہاں آکھیے رمضان دے ݙوجھے ہفتے اچ بلوچستان دے 12 ضلعے تے خیبر پختونخوا دے 26 ضلعے بشمول صوبے دے جنوبی ست ضلعے اچ 4.12 ملین توں ودھ ٻالاں کوں پولیو توں بچاوݨ دے قطرے پلائے ویسن ۔عبدالقادر پٹیل والدین تے زور ݙتے جو او آپݨے ٻالاں کوں پولیو ویکسین ݙیون تاں جو او پولیو وائرس توں محفوظ رہن۔
