وزیر خزانہ محمد اسحاق ڈار دی اڳواݨی اچ ایوی ایشن امور دا اجلاس

اسلام آباد۔6اپریل(اے پی پی)وفاقی وزیر خزانہ ومحصولات سینیٹر محمد اسحاق ڈار ریلوے اتے شہری ہوابازی دے شعبیاں دے مسلیاں کوں حل کرݨ کیتے ہتھ ونݙاوݨ دا یقین ݙیوائے۔ او اسلام آباد اچ ایوی ایشن امور بارے جائزہ اجلاس دی اڳواݨی کریندے پئے ہن۔ اجلاس اچ وفاقی وزیر ریلوے و ہوابازی خواجہ سعد رفیق، وزیراعظم دے معاون خصوصی برائے ریونیو طارق پاشا، سیکرٹری ریلوے، سیکرٹری ایوی ایشن، سیکرٹری خزانہ، چیئرمین ایف بی آر اتے خزانہ، ایوی ایشن اتے ریلوے ڈویژن دے سینئر افسران شرکت کیتی۔ وفاقی وزیر ہوا بازی خواجہ سعد رفیق اجلاس کوں سول ایوی ایشن اتھارٹی، پی آئی اے اتے پاکستان ریلوے دی کارکردگی، جاری منصوبیاں اتے مسلیاں تے بریفنگ ݙتی۔ اجلاس اچ سول ایوی ایشن، ریلویز دے شعباں دے مالیات، ٹیکسیشن، بقایا ادائیگیاں اتے کیش فلو دے معاملیاں، اقدامات اتے تجویزاں تے غور تھیا۔ اجلاس اچ پی آئی اے سی ایل دی کارکردگی چنڳی کرݨ، ایکوں بین الاقوامی معیار دے مطابق ٻݨاوݨ کیتے تنظیم نو تے وی غور تھیا۔