اسلام آباد۔12اپریل(اے پی پی):اسلامی تعاون تنظیم (او آئی سی)دے رکن ملکاں اچ روایتی دوائیں تے ایندے نال منسلک بائیو میڈیکل سائنسزاچ تعاون کوں مضبوط بݨاوݨ کیتے چینی سائنسداناں اتے صنعت کاراں دا ھک اعلیٰ سطح دا وفد پاکستان دا دورہ کریسی ۔ اسلامی تعاون تنظیم دے ذیلی ادارے کامسٹیک دے مطابق چینی سائنسداناں تے صنعت کاراں دا وفد ادارہ جاتی اتے صنعتی رابطے دے ذریعے قدرتی مصنوعات، بائیو ٹیکنالوجی، …
چینی سائنسداناں تے صنعت کاراں دا وفد 27 اپریل کوں پاکستان دا دورہ کریسی
اسلام آباد۔12اپریل(اے پی پی):اسلامی تعاون تنظیم (او آئی سی)دے رکن ملکاں اچ روایتی دوائیں تے ایندے نال منسلک بائیو میڈیکل سائنسزاچ تعاون کوں مضبوط بݨاوݨ کیتے چینی سائنسداناں اتے صنعت کاراں دا ھک اعلیٰ سطح دا وفد پاکستان دا دورہ کریسی ۔ اسلامی تعاون تنظیم دے ذیلی ادارے کامسٹیک دے مطابق چینی سائنسداناں تے صنعت کاراں دا وفد ادارہ جاتی اتے صنعتی رابطے دے ذریعے قدرتی مصنوعات، بائیو ٹیکنالوجی، مالیکیولر تے سیل بائیولوجی اتے روایتی دوائیں دے شعبیں اچ تحقیق تے ترقی اچ تعاون کوں ودھاوݨ کیتے مفاہمت دی یادداشت تے دستخط کرݨ سانڳے 27 اپریل کوں اسلام آباد اچ کامسٹیک سیکرٹریٹ دا دورہ کریسی ۔ مفاہمتی یادداشت تے دستخط توں عوامی جمہوریہ چین اتے او آئی سی دے رکن ملکاں وچال علمی تے تحقیقی اقدامات کوں مضبوط بݨاوݨ اچ مدد مل ویسی ۔ دستخطی تقریب دے موقع تے ایں موضوع تے سائنس داناں تے چین اچ دواسازی دی صنعتاں دے نمائندیں دی اہم ڳالھ مہاڑ وی تھیسی ۔
