لاہور۔8مئی (اے پی پی) وفاقی وزیر منصوبہ بندی تے ترقی احسن اقبال آکھیا جو پارلیمنٹ دا رولز اینڈ پروسیجر دا قانون سپریم کورٹ دے فیصلے دی عملداری اے۔ اے ڳالھیں انہاں سنوار کوں نارووال اچ میڈیا نال ڳالھ مہاڑ کریندیں ہوئیں آکھی۔ انہاں آکھیا جو اے افسوسناک ڳالھ اے جو پاکستان اچ کجھ ایجھے کم تھیندے پن جئیں نال ملک اچ بے یقینی ودھدی پی اے۔ سپریم کورٹ 2016 اچ ہک فیصلہ کیتا ہئی جئیں اچ آکھیا ڳیا ہئی جو وزیراعظم اتے وزیراعلیٰ صوابدیدی اختیارات غیر آئینی ہن، ہݨ پارلیمنٹ ہک قانون پاس کیتے جئیں موجب چیف جسٹس آف پاکستان دے صوابدیدی اختیارات کوں اونویں ختم کر ݙتا ڳے جینویں وزیراعظم اتے وزیراعلیٰ دے اختیارات سپریم کورٹ ختم کیتے ہن۔ پارلیمنٹ دا رولز اینڈ پروسیجر دا قانون اے، اے سپریم کورٹ دے فیصلے دی عملداری اے۔ وفاقی وزیر آکھیا جو ایں دی وضاحت کیتی ونڄے جو صوابدیدی اختیارات کوں کیڑھے آئین اتے قانون دے تحت جائز قرار ݙتا ویندا پے اتے ولا فل کورٹ بینچ کیوں نی ٻݨایا ویدنا جئیں دا پوری قوم آکھدی پی اے۔
