غیر محفوظ خوراک پاروں ہر ݙینھ اوسطاً 16 لکھ لوک دا بیمار تھیوݨ تشویش دی ڳالھ اے، فوڈ سیفٹی کوں یقینی ٻݨاوݨا پوسی، صدرمملکت

اسلام آباد۔7جون  (اے پی پی) صدر مملکت ڈاکٹر عارف علوی آکھیاجو اساکوں پاکستان اچ تحفظ خوارک دے معیارات تے عمل کریندیں ہوئیں فوڈ سیفٹی کوں یقینی ٻݨاوݨا پوسی، اے اساݙی سانجھی ذمہ واری اے جو خوراک دے احتیاط نال استعمال کوں فروغ ݙیوݨ اچ کردار نبھاؤں۔ اساکوں لوکاں کوں کھاوݨ کوں ٹھیک طریقے نال سنبھالݨ اتے ٻݨاوݨ دے علاوہ گھر اندر اتے ٻاہر صفائی ستھرائی یقینی ٻݨاوݨ کیتے تعلیم ݙیوݨ دی لوڑھ اے۔  تحفظِ خوراک  دے عالمی ݙینھ 7 جون 2023 دے موقع تے اپݨے سنیھے اچ صدرمملکت آکھیا جو اے ݙینھ تحفظ خوراک دے معیارات آلے پاسے توجہ ݙواوݨ کیتے منایا ویندا پے۔ غیر محفوظ خوراک پاروں ہر ݙینھ اوسطاً 16 لکھ لوک دا بیمار تھیوݨ اتے اوسطاً 340 ٻالاں دا موت دے منہ ونجݨ تشویش دی ڳالھ اے۔ایں صورت حال توں بچیا ونڄ سڳدے، اساں معیاری خوراک ݙے تے، مضر صحت خوارک ختم کر تے اتے خوراک بارے خطریاں کوں ڳھٹ کر تے لکھاں جاناں بچا سڳدوں۔