وزیراعظم شکایات سیل دے سوشل میڈیا پلیٹ فارمز لانچ

اسلام آباد۔21جولائی(اے پی پی):وفاقی وزیر برائے پارلیمانی امور مرتضیٰ جاوید عباسی وزیر اعظم شکایات سیل دے سوشل میڈیا پلیٹ فارمز لانچ کرݙتن۔ ایں سانڳے افتتاحی تقریب نال خطاب کریندے انہاں آکھیا جو شکایات سیل دی کارکردگی دا جائزہ ڳھدے، وزیراعظم چاہندے ہن جو لوکاں دیاں شکایتاں تیھکے حل تھیون جو عوام مطمئن ہوون۔ انہاں آکھیا جو ایں سال 11471 شکایات ملین، 11280 شکایات حل تھین ڄݙاں جو 191 شکایات تے کم تھیندا پئے، کھلیاں کچہریاں لائن، شکایات سیل پاروں لوکاں کوں ٻہوں سکھ ملیے۔ انہاں آکھیا جو متعلقہ محکمیاں کوں آکھیے جو لوکاں کوں ولا شکایت دا موقع نا ملے، فیس بک، واٹس ایپ اتے انسٹا گرام تے شکایات سہولت دا افتتاح کرݙتے، موبائل میسج سروس ہک ہفتے اچ شروع تھی ویسی۔