“صحت مند غذا ۔تندرستی سدا ” مہم عوام کیتے فیدہ مند ثابت تھیسی، وزیراعظم محمدشہباز شریف

اسلام آباد۔23جولائی(اے پی پی)وزیراعظم محمدشہباز شریف “صحت مند غذا، تندرستی سدا ” مہم بارے آکھیے جو عوام دی چنڳی صحت دا صاف اتے صحتمند خوراک نال ڳھاٹا تعلق اے۔ ہک ٹویٹ اچ انہاں آکھیا جو لوکاں کوں اپݨی خوراک دے اجزا دی آگاہی ہووݨی چاہیدی اے جو او اپݨے کیتے چنڳی تے صحتمند خوراک استعمال کر سڳسن۔ انہاں آکھیا جو “صحت مند غذا ۔تندرستی سدا ” مہم دا پورے پاکستان اچ اجرا تھیندا پئے جیندے اچ ہر ہوٹل کھاوݨیاں اچ مکمل کیلوریز دا گاہک کوں ݙسیسی، کھاوݨ پیوں دیاں پیک شدہ شئیں تے ڈبلیو ایچ او دی سفارش کردہ تجاویز آلیاں غذائیت دی مکمل معلومات وی ݙتیاں ویسن، ٹرانس فیٹ ایسڈ کوں وی صرف 2 فیصد تئیں محدود کیتا ویندا پئے جو دل اتے ٻیاں بیماریاں کوں روکیا ونڄ سڳے۔ انہاں آکھیا جو اے مہم سٹریٹجک ریفارمز یونٹ سارے صوبیاں دی فوڈ اتھارٹیز نال رل تے پاکستان اچ ودھیسی۔