پاکستان 37 سال بعد ورلڈ جونیئر سکواش چیمپئن شپ جیت ڳھدی

قومی کھلاڑی حمزہ خان 37 سال بعد پاکستان کوں ورلڈ جونیئر سکواش چیمپئن شپ جتوا تے نویں تاریخ لکھ ݙتی اے۔ آسٹریلیا دے شہر میلبرن اچ جاری چیمپئن شپ دے فائنل اچ حمزہ خان مصر دے محمد ذکریا کوں ترائے ہک توں ہرائے۔ حمزہ خان دی جیت دا سکور 12-10، 12-14، 3-11 اتے 6-11 رہے۔ ایں توں37 سال پہلے 1986 اچ جان شیر خان آخری واری اے ٹائٹل جیتیا ہا۔ فیصلہ کن گیم اچ پاکستانی کھلاڑی حمزہ خان مضبوط اعصاب ݙکھائن اتے میچ اچ ریفری دے کئی متنازعہ فیصلیاں دے باوجود ٹائٹل اپݨے ناویں کر ڳھدے۔