اسلام آباد۔25جولائی (اے پی پی) صدر مملکت عارف علوی ڈائریکٹر جنرل قومی اسمبلی سیکرٹریٹ دے خلاف تریمت افسر کوں ہراساں کرݨ دی کوڑی شکایت مسترد کر ݙتی اے۔ شکایت کرݨ آلی تریمت اسسٹنٹ ڈائریکٹر، ملزم دے خلاف کم دی ڄاہ تے ہراسگی دے الزام ثابت نی کر سڳی اتے ناں کئی نوٹسز دے باوجود کیس دی کاروائی اچ پیش تھئی۔ صدرمملکت آپݨے فیصلے اچ آکھیا جو کہیں کوں وی قانون …
صدر مملکت عارف علوی ڈائریکٹر جنرل قومی اسمبلی سیکرٹریٹ دے خلاف تریمت افسر کوں ہراساں کرݨ دی کوڑی شکایت مسترد کر ݙتی
اسلام آباد۔25جولائی (اے پی پی) صدر مملکت عارف علوی ڈائریکٹر جنرل قومی اسمبلی سیکرٹریٹ دے خلاف تریمت افسر کوں ہراساں کرݨ دی کوڑی شکایت مسترد کر ݙتی اے۔ شکایت کرݨ آلی تریمت اسسٹنٹ ڈائریکٹر، ملزم دے خلاف کم دی ڄاہ تے ہراسگی دے الزام ثابت نی کر سڳی اتے ناں کئی نوٹسز دے باوجود کیس دی کاروائی اچ پیش تھئی۔ صدرمملکت آپݨے فیصلے اچ آکھیا جو کہیں کوں وی قانون دا غلط استعمال کرݨ دی موکل کائنی۔ ایوان صدر دے پریس ونگ موجب قومی اسمبلی سیکرٹریٹ دےہک ڈائریکٹر جنرل دے خلاف تریمت افسر کم دی ڄاہ تے ہراساں کرݨ دی شکایت کیتی ہئی، وفاقی محتسب برائے انسدادِ ہراسیت بمقامِ کار انکوائری اتے رپورٹ کیتے معاملہ قومی اسمبلی دی ہراسگی کمیٹی کوں ٻھجوایا ہئی۔ شکایت کرݨ آلی تریمت معاملہ کمیٹی کوں ٻھجواوݨ دے خلاف اپیل کیتی جئیں کوں صدرمملکت 2020 اچ مسترد کر ݙتا ہئی۔
