وزیراعظم شہباز شریف دا 4آر ایف دے تحت چھل توں متاثرہ علاقیاں دی بحالی اتے نویں سروں ٻݨاوݨ دا عزم

اسلام آباد۔26جولائی  (اے پی پی) وزیراعظم محمد شہباز شریف مخلوط حکومت دے 4آر فریم ورک دے تحت چھل توں متاثرہ علاقیاں دی بحالی اتے نویں سروں ٻݨاوݨ دا عزم کیتے۔ بدھ کوں اپݨے ٹویٹ اچ انہاں آکھیا جو گزریل ݙینھ  بین الاقوامی پارٹنرز سپورٹ گروپ دی تریجھے اجلاس دی صدارت کیتی جئیں اچ چھل توں متاثر تھیے علاقیاں اچ جاری بحالی اتے نویں سروں تعمیر دا جائزہ ڳھدا ڳیا۔ گروپ دا اجلاس جیڑھا جو جنیوا اچ ریزیلیئنٹ پاکستان کانفرنس دے بعد ٻݨایا ڳیا ہئی، ایں تباہ کن چھل دے ہک سال دے موقع تے کیتا ڳے ۔ وزیراعظم آکھیا جو اپݨی تقریر اچ میں ریزیلیئنٹ ، ریکوری، ری ہیبیلی ٹیشن  اینڈ ری کنسٹرکشن فریم ورک ( 4 آر ایف ) دے تحت ولا بہتر ٻݨاوݨ کیتے مخلوط حکومت دے عزم دا اعادہ کیتا۔ میں سارے بین الاقوامی ترقیاتی عطیہ دہندگان، سانجھے داراں اتے دوست ملکاں کوں انہاں دی ویلھے تے امداد دی تعریف کیتی۔ انہاں آکھیا جو میں یو این ڈی پی دا شکریہ ادا کرینداں جئیں حکومت پاکستان اتے عالمی برادری وچال بہترین جڑت اتے تعاون کیتا۔