شیری رحمان دا نیشنل ایڈاپٹیشن پلان 2023 دی منظوری ݙیوݨ تے وزیراعظم شہباز شریف اتے کابینہ دے ارکان دا شکریہ

اسلام آباد۔26جولائی  (اے پی پی) وفاقی وزیر برائے موسمیاتی تبدیلی تے ماحولیاتی رابطہ سینیٹر شیری رحمان وفاقی کابینہ اچ پاکستان دے نیشنل ایڈاپٹیشن پلان 2023 دی منظوری ݙیوݨ تے وزیراعظم شہباز شریف اتے  کابینہ دے ارکان دا شکریہ ادا کیتا۔ بدھ کوں اپݨے ہک ٹویٹ اچ انہاں آکھیا جو اے پاکستان کوں ماحولیاتی لحاظ نال موافقت اتے لچک دے چیلنجز دا سامݨا اے، ایں بارے اے کم ملک کیتے بہترین خدمت اے۔ انہاں وزارت موسمیاتی تبدیلی دی ٹیم دا وی شکریہ ادا کیتا جئیں پورے ملک اچ مشورے نال اینکوں پورا کرݨ کیتے ݙینھ رات کم کیتا۔