صنفی بنیاداں تے کوئی ریمارکس نئی ݙتی، قومی اسمبلی اچ میݙی تقریر کوں سیاق و سباق تے ہٹ پیش کیتا ویندا پئے، خواجہ آصف

اسلام آباد۔27جولائی  (اے پی پی) وزیردفاع خواجہ محمدآصف آکھیا جو صنفی بنیاداں تے کوئی ریمارکس نئی ݙتی، قومی اسمبلی اچ میݙی تقریر کوں سیاق و سباق تے ہٹ پیش کیتا ویندا پئے۔ پی ٹی آئی دی تریمتیں ارکان کوں مریم نواز اتے فریال تالپور کیتے اپݨی لیڈر دی گندی ڳالھ مہاڑ اتے ریمارکس تے معذرت کرݨی چاہیدی اے۔ خمیس کوں قومی اسمبلی اچ اپݨے وضاحتی بیان اچ وزیردفاع آکھیا جو اج سینیٹ اچ قانون سازی اچ اچ پی ٹی آئی دے خصوصا تریمتیں اتے مرد حضرات اتےاتحادی جماعتاں دے اراکین میݙی قومی اسمبلی اچ تقریر تے اعتراض کیتے۔ میں ݙو واری ایندی وضاحت کیتی۔ انہاں آکھیا جو میݙی تقریر دا سیاق و سباق ݙٹھا ونڄے تاں ڳالھ قانون سازی کوں بلڈوز کرݨ دی تھیندی پئی ہئی۔ میں طعنہ ݙتا جو ایں ایوان اچ ہک منٹ اچ  50، 50 قوانین تھین، میں آکھیے جو او الزام لاوے جئیں دا اپݨا دامن صاف ہووے۔ میݙے ریمارکس صنفی بنیاداں تے بلکل کائنا ہن۔ وزیردفاع آکھیا جو جیڑھی تریمتیں قومی اسمبلی اتے سینیٹ اچ احتجاج کریندی پئی ہن انہاں توں میݙا سوال اے جو دھی مریم نواز اتے ٻھیݨ فریال تالپور تریمتیں کائنا ہن۔ انہاں دا لیڈر مریم بی بی اتے فریال تالپور کیتے عوامی جلسیاں اچ گندی زبان استعمال کریندا رہیے۔ صنفی بنیاداں تے کوئی ریمارکس نئی ݙتی، قومی اسمبلی اچ میݙی تقریر کوں سیاق و سباق تے ہٹ پیش کیتا ویندا پئے۔