بلوچستان دے وسائل تے پہلا حق صوبے دی عوام دا اے، وزیراعظم شہباز شریف دا ٹویٹ

اسلام آباد۔28جولائی  (اے پی پی) وزیراعظم محمدشہباز شریف آکھیا جو بلوچستان دے وسائل تے پہلا حق صوبے دی عوام دا اے۔ ترقی بارے میݙا نظریہ لوکاں دے معیار زندگی کوں اُچا کرݨ نال جڑیے۔ بلوچستان اتے پاکستان دا مستقبل محفوظ اتے ذمہ وار ہتھیں اچ اے۔ جمعے کوں اپݨے ٹویٹ اچ وزیراعظم آکھیا جو کل انہاں وفاقی وزرا ، آرمی تے نیول چیف، گورنر اتے وزیراعلیٰ بلوچستان اتے حکومتی افسراں دے رلے گوادر اچ اہم ݙینھ گزاریے، اساں ترقی، بنیادی ڈھانچے اتے تعلیمی منصوبیاں دے ہک سلسلے دا منڈھ بدھیے جئیں نال علاقے دی تقدیر بدل ویسی۔ انہاں آکھیا جو بلوچستان دے وسائل تے پہلا حق صوبے دی عوام دا اے۔وزیراعظم آکھیا جو لیپ ٹاپ تقسیم کرݨ دی تقریب اچ بلوچستان دے نینگراں نال انہاں دی ملاقات انہاں دے دورے دا ہک اہم حصہ ہئی۔