وزیراعظم محمد شہباز شریف ہک ݙینھ دے دورے تے متحدہ عرب امارات روانہ تھی ڳئے

لاہور۔28جولائی  (اے پی پی) وزیراعظم محمد شہباز شریف ہک ݙینھ دے دورے تے متحدہ عرب امارات روانہ تھی ڳئے۔ وزیراعظم آفس میڈیا ونگ توں جاری اعلامیہ موجب وزیرِ اعظم محمد شہباز شریف متحدہ عرب امارات دے صدر شیخ محمد بن زاید آل نھیان دے بھرا شیخ سعید بن زاید آل نھیان دے انتقال تے تعزیت کیتے متحدہ عرب امارات روانہ تھئین۔ وزیرِ اعظم محمد شہباز شریف پوری قوم ولوں برادر ملک دے صدر نال تعزیت کریسن۔ وفاقی وزیر خزانہ اسحاق ڈار اتے معاون خصوصی طارق فاطمی وی انہاں نال ہن۔