ملکی ترقی تے خوشحالی دا راز تعلیم دے ودھارے نال اے، کوئی وی معاشرہ شرح خواندگی ودھائے بغیر ترقی نی کر سڳدا، راجہ پرویز اشرف

اسلام آباد۔8ستمبر  (اے پی پی) سپیکر قومی اسمبلی راجہ پرویز اشرف آکھیا جو ملکی ترقی تے خوشحالی دا راز تعلیم دے ودھارے نال اے، کوئی وی معاشرہ شرح خواندگی ودھائے بغیر ترقی نی کر سڳدا۔ خواندگی دے جڳ ݙیھاڑ تے انہاں آپݨے سنیھے اچ آکھیا جو ملک دی ترقی کیتے تعلیم ٻہوں اہمیت رکھیندی اے۔ نینگراں کوں جدید اتے معیاری تعلیم ایں دور دا تقاضا اے،   پاکستان دے آئین دے آرٹیکل 25-A دے تحت حکومت تے لازمی اے جو او پنج توں 16 سال تئیں دے ٻالاں کوں مفت معیاری تعلیم ݙیوے، مالی سال 23-2022 اچ وفاقی اتے صوبائی حکومتاں تعلیم دے فروغ کیتے وݙا فنڈز رکھیے، مالی سال 23-2022 دے بجٹ اچ تعلیم دے شعبے کیتے گزریل مالی سال دے مقابلے 37.3 فیصد ودھارا کیتا ڳئے۔ انہاں آکھیا جو پارلیمنٹ ملک اچ اعلیٰ تعلیم دے ودھارے کیتے یونیورسٹیاں ٻݨاوݨ کیتے کئی بلز منظور کیتن۔ ملکی ترقی تے خوشحالی دا راز تعلیم دے ودھارے نال اے، کوئی وی معاشرہ شرح خواندگی ودھائے بغیر ترقی نی کر سڳدا۔