اسپیکر قومی اسمبلی راجہ پرویز اشرف دا مراکش اچ زلزلے پاروں تھیوݨ آلی ہلاکتاں تے ݙکھ تے افسوس

اسلام آباد۔9ستمبر  (اے پی پی) اسپیکر قومی اسمبلی تے سابق وزیر اعظم پاکستان راجہ پرویز اشرف مراکش اچ زلزلے پاروں تھیوݨ آلی ہلاکتاں تے ݙکھ تے افسوس کیتے۔ جاری بیان اچ سپیکر آکھیا جو اوکھے ویلھے برادرملک مراکش دی عوام دے ݙکھ اچ برابر دے شریک ہیسے۔ اللّٰہ تعالٰی توں دعا کریندوں جو مسلم برادرملک مراکش اتے عوام کوں آپݨی حفظ و امان اچ رکھیے۔