اسلام آباد۔27ستمبر (اے پی پی) صدر مملکت ڈاکٹر عارف علوی بنگلہ دیش نال معیشت، ثقافت اتے تجارت دے شعبیاں اچ تعاون ودھاوݨ دی لوڑھ تے زور ݙیندیں ہوئیں آکھیا جو ݙوہیں ملکاں وچال تجارت ودھاوݨ دے ٻہوں موقع ہن۔ اے ڳالھیں انہاں بنگلہ دیش اچ پاکستان دے نامزد ہائی کمشنر سید احمد معروف نال ڳالھ مہاڑ کریندیں ہوئیں آکھی جنہاں بدھ کوں انہاں نال ملاقات کیتی۔ صدر مملکت نے سید احمد معروف کوں بنگلہ دیش اچ بطور پاکستانی ہائی کمشنر تعیناتی تے مبارخ ݙتی۔
