اسلام آباد ۔27ستمبر(اے پی پی)وزیرمملکت سیاحت وصی شاہ آکھیے وزارت سیاحت عوام دی سہولت کیتے وختی ھک “ٹوورازم ایپ” لانچ کریسی تاں جو سیاحتی جہیں متعلق ون کلک معلومات ݙتیاں ونڄ سڳن اتے ملک اچ میڈیکل ٹوورازم دے ودھارے تے توجہ ݙتی ونڄ سڳے ۔ ھک خصوصی ڳالھ مہاڑ اچ وزیر مملکت آکھیے نگراں حکومت سیاحتی جہیں دی کثرت آلے علاقیں اچ پرائیویٹ پبلک پارٹنرشپ دے تحت ایکو ٹوورازم کوں ودھارا ݙیسی ۔ انہاں آکھیے جو پاکستان آوݨ آلے سیاحواں کوں ٻہوں وختی ھک سرکاری ایپلی کیشن ملسی جیڑھی جو مستند معلومات اتے ریاستی محکمہ سیاحت تئیں رسائی ݙیسی ۔ انہاں آکھیے ایپ کوں اینڈرائیڈ صارفین کیتے گوگل پلے سٹور تے دستیاب کرایا ویسی، ایپ اچ سیاحتی جہیں، ذرائع نقل و حمل اتے ٻئی خدمات متعلق ساری معلومات موجود ہوسی ۔
