اساکوں آپݨی حیاتی نبی کریم ﷺ دی حیات مبارکہ مطابق گزارݨی چاہیدی اے، نبی کریم ﷺ آپݨے کردار اتے اخلاق نال دین دی سربلندی کیتی، نگراں وزیر مذہبی امور انیق احمد دا قومی سیرت توں خطاب

اسلام آباد۔29ستمبر  (اے پی پی) نگراں وفاقی وزیر مذہبی امور اتے بین المذاہب ہم آہنگی  انیق احمد آکھیا جو اڄ دا ݙینھ نبی کریم ﷺ دی ولادت باسعادت دا ݙینھ اے۔ اساکوں آپݨی حیات مبارکہ مطابق گزارݨی چاہیدی اے۔ نبی کریم ﷺ آپݨے کردار اتے اخلاق نال دین دی سربلندی کیتی۔ نبی کریمﷺ دی صداقت اتے امانت دی گواہیاں تاں دین دے دشمن اتے کفارمکہ وی ݙیندے ہن۔ اے ڳالھیں انہاں جمعے کوں تھیوݨ آلے قومی سیرت کانفرنس توں خطاب کریندیں ہوئیں آکھی۔ انہاں آکھیا جو اساݙے وزیراعظم دین نال محبت رکھیندن۔ انہاں آکھیا جو حضرت محمدﷺ فرمایا جو غریبی انسانی کوں کفر تئیں ڳھن ونڄ سڳدی اے اتے اللہ دے حکم توں روح گردانی وی کرویندی اے جڈانجو حکمراناں دی کجھ ذمہ واریاں ہن جو او لوکاں کوں ایجھا ماحول ݙیون جو مفلسی انہاں دے در تے نہ پڄے۔ ویلفیئر سٹیٹ دا تصور جیڑھا جو مغرب اچ ݙتا ڳئے اے وی اساݙے دین دا ݙتا ہوئے۔ انہاں آکھیا جو اخلاقیات دا درس قرآن کریم وی ݙیندے اتے ایندی ساریاں توں وݙی مثال فتح مکہ دا ݙینھ اے جݙاں نبی کریمﷺ مکہ توں ہجرت فرمائی اتے فتح مکہ دے موقع تے آپ سرکار ݙو عالم فرمایا جو اڄ رحمت دا ݙینھ اے۔