حضورؐ دی حیاتی اساں ساریاں کیتے ہک بہترین نمونہ حیات اے، قرآن پا ک اتے سنت رسول ؐ قیامت تئیں آوݨ آلیاں کیتے رشد تے ہدایت اے، صدر مملکت ڈاکٹر عارف علوی

اسلام آباد۔30ستمبر  (اے پی پی) صدر مملکت ڈاکٹر عارف علوی قرآن و سنت دی روشنی اچ معاشی پالیسیاں ٻݨاوݨ تے زور ݙیندیں ہوئیں آکھیا جو اسلام ارتکاز دولت کوں زہر آکھیے، قوماں نفاق نال نی درگزر نال ٻݨدن۔ دنیا ہک چنڳا اخلاق منڳدی اے۔ جیڑھے معاشریاں اچ انصاف ہوے، درگزر ہووے اتے غریب دا خیال رکھیا ونڄے او معاشرے کامیاب تھیندن۔ حضورؐ دی حیاتی اساں ساریاں کیتے ہک بہترین نمونہ حیات اے،   قرآن پا ک  اتے سنت رسول ؐ قیامت تئیں آوݨ آلیاں کیتے رشد تے ہدایت اے۔وفاقی وزارت مذہبی امور ولوں  سیرت النبی ؐ کانفرنس اچ “ملکی معاشی استحکام کے لئے حکمت  عملی ۔ سیرت النبی ؐ کی روشنی میں” دے عنوان نال چھیکڑی نشست توں خطاب کریندیں ہوئیں اے ڳالھیں آکھی۔ وفاقی وزیر مذہبی امور تے بین المذاہب ہم آہنگی  انیق احمد ، وفاقی کابینہ دے ارکین ، غیر ملکی سفراء ، جید علما کرام ،مشائخ عظام دی وݙی تعداد ایں موقع تے شریک ہئی۔ صدرمملکت ڈاکٹر  عارف علوی آکھیا جو   حضرت محمد ؐ   دنیا اچ وݙا انقلاب ڳھن تے آئے جیڑھا جو تاقیات اثر رکھیسی۔ حضورؐ دی حیاتی اساں ساریاں کیتے ہک بہترین نمونہ حیات اے،   قرآن پا ک  اتے سنت رسول ؐ قیامت تئیں آوݨ آلیاں کیتے رشد تے ہدایت اے۔