اسلام آباد۔29نومبر (اے پی پی) نگران وفاقی وزیر اطلاعات، نشریات تے پارلیمانی امور مرتضیٰ سولنگی آکھیا جو پاکستان دا وجود سارے اقلیتاں دے حقوق دا ضامن اے، پاکستان جتنا مضبوط ہوسی اتنا بھارت اندر مظلوماں دی آواز مضبوط تھیسی۔ نریندر مودی کݙاہیں وی مظلوماں نال کھڑیے نی تھیے۔ بھارت اچ اکثریت دے ناں تے چھوٹی جیہی اقلیت دا ہک پرتشدد راج لڳیا ہوئے جتھ مذہبی اقلیتاں تے ظلم تھیندا پئے۔ …
پاکستان دا وجود سارے اقلیتاں دے حقوق دا ضامن اے، پاکستان جتنا مضبوط ہوسی اتنا بھارت اندر مظلوماں دی آواز مضبوط تھیسی، نگران وفاقی وزیر اطلاعات مرتضیٰ سولنگی دا سیمینار توں خطاب
مزید خبراں
اسلام آباد۔29نومبر (اے پی پی) نگران وفاقی وزیر اطلاعات، نشریات تے پارلیمانی امور مرتضیٰ سولنگی آکھیا جو پاکستان دا وجود سارے اقلیتاں دے حقوق دا ضامن اے، پاکستان جتنا مضبوط ہوسی اتنا بھارت اندر مظلوماں دی آواز مضبوط تھیسی۔ نریندر مودی کݙاہیں وی مظلوماں نال کھڑیے نی تھیے۔ بھارت اچ اکثریت دے ناں تے چھوٹی جیہی اقلیت دا ہک پرتشدد راج لڳیا ہوئے جتھ مذہبی اقلیتاں تے ظلم تھیندا پئے۔ انسانی حقوق دی عالمی تنظیماں بھارت اچ اقلیتاں نال سلوک دا پردہ چاک کرن۔ اے ڳالھیں انہاں بدھ کوں فرینڈز آف کشمیر انٹرنیشنل اتے کشمیر میڈیا سروس ولوں ”بھارت اچ اقلیتاں اتے کشمیریاں تے ظلم تے جبر“ دے عنوان نال سیمینار توں خطاب کریندیں ہوئیں آکھی۔ نگران وفاقی وزیر اطلاعات آکھیا جو پاکستان ہمیشہ کشمیر کاز دی اخلاقی، سیاسی اتے سفارتی حمایت جاری رکھی اے اتے اے مقبوضہ کشمیر دی آزادی تئیں جاری رہسی۔ انہاں آکھیا جو یو ایس اسٹیٹ ڈیپارٹمنٹ، ایمنسٹی انٹرنیشنل، ہیومن رائٹس واچ، کمیٹی ٹو پروٹیکٹ جرنلسٹس، رپورٹرز ود آئوٹ بارڈر سویں عالمی اداریاں آپݨی رپورٹس اچ بھارت کوں نام نہاد اکثریتی ریاست نشابر کیتے۔
