ایچ آئی وی مکاوݨ سانڳے کمیونٹی دی سطح تے کوششاں، بصیرت اتے پسماندہ آبادی تئیں صحت دی خدمات پڄاوݨ دی لوڑھ اے ،  صدر مملکت ڈاکٹر عارف علوی دا ایڈز دے جڳ ݙیھاڑ تے سنھیا

اسلام آباد۔1دسمبر(اے پی پی) صدر مملکت ڈاکٹر عارف علوی ایچ آئی وی دے خلاف قومی رسپانس چنڳاں بݨاوݨ دے عزم دا اعادہ کریندے ہوئیں آکھیے جو ایچ آئی وی مکاوݨ سانڳے کمیونٹی دی سطح تے کوششاں، بصیرت تے پسماندہ آبادی تئیں صحت دی خدمات پڄاوݨ دی لوڑھ اے  ، ایں بیماری توں نہ صرف بچیا ونج سڳدے بلکہ ایندا علاج وی ممکن اے ، اڄ اساں ڈیٹا تے مبنی جدید حل اپناوݨ ، امتیازی سلوک مکاوݨ دے عزم دا اعادہ کریندوں ۔ ایڈز دے جڳ ݙیھاڑ دے موقع تے صدر مملکت ڈاکٹر عارف علوی آپݨے سنھیے اچ آکھیے ایڈز مکاوݨ دا جڳ ݙیھاڑ “کمیونٹیز کوں رہنمائی کرݨ ݙیو” دے عنوان نال منایا ویندا پئے ، ݙینھ مناوݨ دا مقصد ایڈز مکاوم اچ کمیونٹیز دے کردار کوں اجاگر کرݨ اے ۔ انہاں آکھیے صحت دا نظام مستحکم کرݨ، نویں انفیکشن گھٹ کرݨ، شواہد تے مبنی پالیسیاں اتے منصوبے اپناوݨ دی لوڑھ اے، ایچ آئی وی روکݨ ، تشخیص اتے علاج تئیں رسائی یقینی بݨاوݨ ساݙی بنیادی ذمہ واری اے ۔