’’چین پاکستان دوستی ہسپتال‘‘ اتے سمندری پاݨی کوں استعمال دے قابل ٻݨاوݨ دے پلانٹ سودھے سی پیک منصوبیاں نال گوادر اچ ترقی دا نواں دور شروع تھیسی، نگران وزیراعظم انوار الحق کاکڑ دا تقریب توں خطاب

گوادر۔4دسمبر  (اے پی پی) نگران وزیراعظم انوار الحق کاکڑ پاک چین دوستی دی تعریف کریندیں ہوئیں آکھیا جو ’’چین  پاکستان دوستی ہسپتال‘‘ اتے سمندری پاݨی کوں استعمال دے قابل ٻݨاوݨ دے پلانٹ سودھے سی پیک منصوبیاں نال گوادر اچ ترقی دا نواں دور شروع تھیسی۔ گوادر اچ کئی سالیں توں پیوݨ دے پاݨی دا مسئلہ ایں منصوبے نال حل تھی ویسی۔ مستقبل اچ چین اچ کھرباں ڈالر دی تجارت تون فیدہ چاوݨ کیتے اساکوں خصوصی طور نینگراں دی تیاری کرݨی پوسی اتے انہاں کیتے اے چنڳا موقع اے۔ اے ڳالھیں انہاں سنوار کوں ’’ چین پاکستان دوستی ہسپتال‘‘ اتے سمندری پاݨی کوں استعمال دے قابل ٻݨاوݨ کیتے افتتاحی تقریب توں خطاب کریندیں ہوئیں آکھی۔ انہاں بلوچستان اچ سولر پینل منصوبہ اتے کوئٹہ اچ ایمرجنسی سنٹر ٻݨاوݨ دا اعلان وی کیتا۔ چیف ایگزیکٹو آفیسر اے آئی ای سی او تقریب توں خطاب کریندیں ہوئیں آکھیا جو چینی حکومت گوادر دی ترقی کیتے کم کریندی پئی اے۔ گوادر پورٹ خطے دا جدید ترین ایئرپورٹ ہوسی جئیں اچ جدید سہولتاں ہوسن۔ گوادر اچ ووکیشنل ٹریننگ انسٹیٹیوٹ نینگراں دی تربیت اچ اہم کردار ادا کریسی۔