قوم کوں آپݨے بہادر سپوتاں تے فخر اے، سپیکر قومی اسمبلی راجہ پرویز اشرف دا میجر شبیر شریف شہید دے شہادت دے ݙینھ تے پیغام

اسلام آباد۔6دسمبر(اے پی پی):سپیکر قومی اسمبلی راجہ پرویز اشرف میجر شبیر شریف شہید(نشان حیدر) کوں خراج عقیدت پیش کریندے ہوئیں آکھیے قوم کوں آپݨے بہادر تے جری سپوتاں تے فخر اے ۔ پاک فوج دی مادر وطن سانڳے ݙتیاں ڳیاں قربانیاں کݙاہیں ضائع نہ ویسن ۔ میجر شبیر شریف  دے  52ویں یوم شہادت تے آپݨے پیغام اچ انہاں آکھیے اساں میجر شبیر شریف کوں یوم شہادت تے خراج عقیدت پیش کریندوں ۔ انہاں 1971 دی جنگ اچ مادر وطن دے دفاع سانڳے آپݨی جان دا نذرانہ پیش کیتا ۔ انہاں آکھیے میجر شبیر شریف شہید دی بہادری اتے شجاعت تے انہاں کوں ملک دے اعلیٰ ترین عسکری اعزاز (نشان حیدر) نال نوازیا ڳیا ،پوری قوم جرات و بہادری تے انہاں کوں سلام پیش کریندی اے ۔