اے فیصلہ عوام کریسن جو آندی حکومت کون کریسی، نگران وزیر اطلاعات و نشریات مرتضیٰ سولنگی

ملتان۔6دسمبر(اے پی پی)نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو ملک اچ آزادانہ، منصفانہ و شفاف انتخابات دی تیاریاں اچ ردھے ہوئے ہیں، عام انتخابات آندے سال 8 فروری کوں تھیسن اتے اے فیصلہ عوام کریسن جو آندی حکومت کون کریسی۔ اے ڳالھ انہاں ملتان اچ پاکستان ٹیلی ویژن ملتان سنٹر دی 24 گھنٹے علاقائی نشریات دا افتتاح کرݨ دے بعد میڈیا نال الیندے آکھی۔ انہاں آکھیا جو آئین دی تمہید اچ لھکیے جو ملک کوں ایندے منتخب نمائندے چلیسن، بنیادی فیصلہ سازی نگران حکومتاں دا کم نئیں، اے منتخب حکومت اتے منتخب پارلیمان دا کم ے، ساکوں جیڑھی حالت اچ ملک ملیے ایندے کولو چنڳی حالت اچ آندی حکومت کوں ݙے تے ویسوں۔ انہاں آکھیا جو انتخابات شفاف انداز اچ تھیسن، شور شرابہ اتے آوازاں جمہوریت دا حصہ ہین۔آوݨ آلی پارلیمان اتے حکومت دی کارکردگی دی پیشنگوئی نئیں کیتی ونڄ سڳدی نا ہی پچھلیاں حکومتاں تے تبصرہ کرݨ ساݙا کم اے۔ انہاں آکھیا جو پہلی واری جنوبی پنجاب دی آواز پی ٹی وی ملتان توں تقریباً 50 ملکاں اچ براہ راست ݙٹھی اتے سݨی ویسی، ایندے نال نہ صرف خطے دی ثقافت، علم، ادب و زبان کوںو دھارا ملسی ٻھل اتھو دے لوکاں دے اصل مسائل اتے معاشی و ثقافتی حقوق دے تحفظ دا کم وی اڳو تے ٹرسی۔