پاکستان امریکا نال مستقل رابطے اتے ڳالھ مہاڑ ودھاوݨ کیتے پرعزم اے، ترجمان دفتر خارجہ

اسلام آباد۔7دسمبر  (اے پی پی) دفتر خارجہ دی ترجمان ممتاز زہرہ بلوچ آکھیا جو ایں ہفتے سینئر امریکی حکام پاکستان دے دورہ دے سلسلہ جاری اے، انہاں اچ اسسٹنٹ سیکرٹری برائے پاپولیشن، پناہ گزین اتے مائیگریشن جولیٹا والس نوائس، افغانستان بارے نمائندہ خصوصی ٹام ویسٹ اتے پرنسپل ڈپٹی اسسٹنٹ سیکرٹری الزبتھ ہورسٹ دے دورے شامل ہن۔ ترجمان خمیس کوں پریس بریفنگ اچ آکھیا جو اے دورے امریکہ نال افغانستان دی صورتحال سودھے کئی مسئلیاں تے جاری مذاکرات دا حصہ ہن اتے انہاں تئیں محدود کائنی۔ انہاں آکھیا جو پاکستان امریکا نال مستقل رابطے اتے ڳالھ مہاڑ ودھاوݨ کیتے پرعزم اے۔