وزارت داخلہ آندے عام انتخابات کیتے مکمل سیکیورٹی ݙیوݨ کوں تیار اے، غیر ملکیاں دی سیاسی سرگرمیاں تے پابندی اے، نگران وفاقی وزیر داخلہ سرفراز احمد بگٹی

اسلام آباد۔8دسمبر(اے پی پی)نگران وفاقی وزیر داخلہ سرفراز احمد بگٹی آکھیے جو وزارت داخلہ آندے عام انتخابات کیتے مکمل سیکیورٹی ݙیوݨ کوں تیار اے، غیر ملکیاں دی سیاسی سرگرمیاں تے پابندی اے، فوج تعیناتی دا وزارت دفاع ݙسیسی، الیکشن مہم اچ سیاسی قیادت کوں نشانہ ٻݨاوݨ دا خطرہ اے، نادرا کوں حقیقی معنے اچ قومی سلامتی دا ادارہ ٻݨسیوں۔ اسلام آباد اچ نیوز کانفرنس کریندے انہاں آکھیا جو سیاسی سرگرمی اچ حصہ ڳھنݨ آلے دستاویزی غیر ملکیاں کوں وی بے دخل کرݙتا ویسی۔ انہاں آکھیا جو غیر قانونی مقیم افراد اچوں 4 لکھ 82 ہزار توں ودھ لوک لڳے ڳن، نوے فیصد لوک آپ ڳن انہاں کوں کݙھیا نئیں ڳیا، پاکستان اچ سیاست دا حق صرف پاکستانیاں کوں اے، رجسٹرڈ غیر ملکی پاکستان دی سیاست اچ کوئی کردار ادا نئیں کر سڳدے۔ غیر ملکی کہیں وی دستاویز تے آیا ہووے سیاسی سرگرمی تے بغیر وانڄھ دے ڈی پورٹ کیتا ویسی، جعلی شناختی کارڈ و پاسپورٹ ٻݨاوݨ آلیاں دا احتساب تھیسی۔