فیصل آباد ۔ 09 دسمبر (اے پی پی):سینیٹر عرفان صدیقی آکھیے جو خطاطی ساریں توں پراݨااسلامی فن اے جیں دیاں کئی قسماں ہن تے اساکوں فخر اے جو ساݙے ملک اچ وݙے نامور خطاط پیدا تھئن جنہاں دے نادر ونایاب فن پارے دنیا دی اہم عمارات دی زینت ہن اتے ساریں توں ودھ تے اے روضہ رسولؐ تے وی ساݙے خطاط دی خطاطی اے جیڑھی اساں کیتے وݙے اعزاز دی …
روضہ رسولؐ تے ساݙے خطاط دی خطاطی وݙے اعزاز دی ڳالھ اے ،عرفان صدیقی
مزید خبراں
فیصل آباد ۔ 09 دسمبر (اے پی پی):سینیٹر عرفان صدیقی آکھیے جو خطاطی ساریں توں پراݨااسلامی فن اے جیں دیاں کئی قسماں ہن تے اساکوں فخر اے جو ساݙے ملک اچ وݙے نامور خطاط پیدا تھئن جنہاں دے نادر ونایاب فن پارے دنیا دی اہم عمارات دی زینت ہن اتے ساریں توں ودھ تے اے روضہ رسولؐ تے وی ساݙے خطاط دی خطاطی اے جیڑھی اساں کیتے وݙے اعزاز دی ڳالھ اے جݙاں جو ساݙے نینگراں اچ قدرتی طور تے اے فن موجود اے لہٰذا جے ایں فن دی تھوڑی جیہی سرپرستی کرݙتی ونڄے تاں ساݙے نوجوان دنیا دے بہترین خطاط ثابت تھی سڳدن ۔ ہفتے دے ݙینھ چناب کلب فیصل آباد اچ معروف نوجوان خطاط واصل شاہد دی صلوعلیہ وآلہ دے عنوان توں منعقدہ فن پاریں تے خطاطی دی نمائش دا افتتاح کریندے ہوئیں انہاں آکھیے جو واصل شاہد نال انہاں دا ٻہوں پراݨا تعلق اے تے اسلامی تے ٻئے نادر فن پاریں دی انتہائی شاندارخطاطی سودھے کینوس تے رنگاں دی قوس قزح وچھاوݨ دا اے ہنرپاکستان دے ٻئے لوکاں وانڳوں انہاں دیاں رڳاں اچ موجود اے ۔
