پالیسیاں دا تسلسل نہ ہووݨ پاروں اساکوں دہشت گردی دے خلاف جتی ہوئی جنگ ولا لڑݨی پمدی پئی اے، ایں جنگ اچ سارے سٹیک ہولڈرز دی رَلت ضروری اے، نگران وزیر داخلہ سرفراز احمد بگٹی دا پولیس لائنز اچ خطاب

اسلام آباد۔11دسمبر (اے پی پی) نگران وفاقی وزیر داخلہ میر سرفراز احمد بگٹی پاکستان کوں دہشت گردی دے ناسور توں پاک کرݨ دا عزم دا اعادہ کریندیں ہوئیں آکھیا جو پالیسیاں دا تسلسل نہ ہووݨ پاروں اساکوں دہشت گردی دے خلاف جتی ہوئی جنگ ولا لڑݨی پمدی پئی اے، ایں جنگ اچ سارے سٹیک ہولڈرز دی رَلت ضروری اے۔ اے افواج پاکستان اتے سول آرمڈ فورسز دی نئی بلکہ ریاست دی جنگ اے، ایندے اچ کامیابی کیتے پارلیمنٹ ، عدلیہ اتے میڈیا سودھے سارے سٹیک ہولڈرز دی رلت ٻہوں ضروری اے۔ او سنوار کوں پولیس لائنز اسلام آباد اچ پولیس کانسٹیبلان دے 39 ویں بیچ دی تقریب حلف برداری توں خطاب کریندے پئے ہن۔ چیف کمشنر اسلام آباد، آئی جی اسلام آباد ، ڈپلومیٹس ، سابق پولیس افسر وی تقریب اچ شریک تھیے۔ نگران وفاقی وزیر داخلہ میر سرفراز احمد بگٹی آکھیا جو میݙے کیتے اے ٻہوں خوشی دی ڳالھ اے جو عملی زندگی دا پندھ شروع کرݨ آلی تریمتیں اتے مرد پولیس کانسٹیبلان توں مخاطب ہم، انہاں نینگراں آپݨے آپ کوں عوام کیتے وقفت کرݨے۔ پالیسیاں دا تسلسل نہ ہووݨ پاروں اساکوں دہشت گردی دے خلاف جتی ہوئی جنگ ولا لڑݨی پمدی پئی اے، ایں جنگ اچ سارے سٹیک ہولڈرز دی رَلت ضروری اے۔