وزارت مذہبی امور دا حج درخواستاں دی مد ݙاہ ݙینھ ودھاوݨ دا فیصلہ

اسلام آباد۔12دسمبر (اے پی پی) وزارت مذہبی امور سرکاری اتے سپانسر شپ حج سکیم دی درخواستاں دی مد ݙاہ ݙینھ ودھاوݨ دا فیصلہ کیتے۔ منگل کوں نگران وزیرمذہبی امور انیق احمد ہک انٹرویو اچ ݙسیا جو حج پیکیج اچ گزریل سال دے مقابلے ایں سال ہک لکھ روپے ڳھٹکی کیتی ڳئی ہئی جڈانجو ملک دے معاشی حالات پاروں 27 نومبر توں 12دسمبر تئیں ڳھٹ درخواستاں ملین جئیں پاروں وزارت مذہبی امور سپانسر شپ اتے سرکاری حج سکیم دی درخواستاں دی وصولی اچ ݙاہ ݙینھ ٻئے ودھائن۔ وزارت مذہبی امور حج درخواستاں دی وصولی 27 نومبر توں شروع کیتی ہئی اتے 12 دسمبر تئیں 40 ہزار توں ودھ درخواستاں ملین۔ ایں سال سرکاری اتے سپانسر شپ سکیماں دے تحت حج درخواستاں دا کوٹہ 89 ہزار رکھیا ڳئیا ہئی۔