اسلام آباد۔12دسمبر(اے پی پی)نگران وزیراعظم انوار الحق کاکڑ بھارتی سپریم کورٹ دا مقبوضہ جموں و کشمیر دی حیثیت بارے فیصلہ ناقابل قبول قرار ݙیندے ہوئے مسترد کر ݙتے اتے آکھیے جو ایں سانڳے آزاد جموں و کشمیر قانون ساز اسمبلی اجلاس اچ ویساں۔ انہاں اے ڳالھ آزاد جموں و کشمیر دے وزیر اعظم چوہدری انوار الحق نال الیندے آکھی۔ وزیراعظم آفس دے میڈیا ونگ آکھیے جو بھارت دے غیرقانونی زیر …
بھارتی سپریم کورٹ دا مقبوضہ جموں و کشمیر دی حیثیت بارے فیصلہ ناقابل قبول، ایں سانڳے آزاد جموں و کشمیر قانون ساز اسمبلی اجلاس اچ ویساں، نگران وزیراعظم انوار الحق کاکڑ
مزید خبراں
اسلام آباد۔12دسمبر(اے پی پی)نگران وزیراعظم انوار الحق کاکڑ بھارتی سپریم کورٹ دا مقبوضہ جموں و کشمیر دی حیثیت بارے فیصلہ ناقابل قبول قرار ݙیندے ہوئے مسترد کر ݙتے اتے آکھیے جو ایں سانڳے آزاد جموں و کشمیر قانون ساز اسمبلی اجلاس اچ ویساں۔ انہاں اے ڳالھ آزاد جموں و کشمیر دے وزیر اعظم چوہدری انوار الحق نال الیندے آکھی۔ وزیراعظم آفس دے میڈیا ونگ آکھیے جو بھارت دے غیرقانونی زیر تسلط جموں وکشمیر بارے بھارتی سپریم کورٹ دے فیصلے دے بعد دی صورتحال تے ڳالھ مہاڑ تھئی، معاملے تے آزاد جموں و کشمیر قانون ساز اسمبلی دا خصوصی اجلاس تھیندا پئے جیندے اچ نگران وزیراعظم انوار الحق کاکڑ خصوصی شرکت کریسن۔ نگران وزیراعظم انوار الحق کاکڑ آکھیا کو جموں و کشمیر بین الاقوامی سطح تے منیا ہویا تنازعہ اے ڄیڑھا ست ݙھاکیاں توں ودھ مد توں اقوام متحدہ دی سلامتی کونسل دے ایجنڈے تے حل طلب اے، جموں و کشمیر دے مستقبل دا حتمی فیصلہ اقوام متحدہ دی سلامتی کونسل دی متعلقہ قرارداداں دے مطابق اتے کشمیری عوام دی سک دے مطابق ہووݨا چاہیدے، بھارت کوں ایں سانڳے یکطرفہ فیصلے کرݨ دا کوئی حق کائنی، بھارت اپݨی نام نہاد قانون سازی و عدالتی فیصلاں دی اݙ اچ اپݨی بین الاقوامی ذمہ داریاں توں پچھو نئیں ہٹ سڳدا، پاکستان بھارت دے غیر قانونی زیر تسلط جموں و کشمیر دے عوام دی انہاں دے ناقابل تنسیخ حق خود ارادیت سانڳے اپݨی مکمل سیاسی، سفارتی و اخلاقی حمایت جاری رکھسی۔
