سرمایہ کاری، برآمدات اچ ودھارا، آمدݨ اتے روزگار دے موقع ݙیوݨ اتے کیپیٹل مارکیٹ دی بہتری نگران حکومت دی پہلی ترجیح اے، ڈاکٹر شمشاد اختر

اسلام آباد۔13دسمبر (اے پی پی) نگران وفاقی وزیرخزانہ ، محصولات تے اقتصادی امور ڈاکٹر شمشاداختر آکھیا جو مالیاتی ڈسپلن ، سرمایہ کاری، مسابقت ، توانائی ، برآمدات اچ ودھارا، آمدݨ اتے روزگار دے موقع ݙیوݨ اتے کیپیٹل مارکیٹ دی بہتری نگران حکومت دی پہلی ترجیح اے۔ اندرلے اتے ٻاہرلے چیلنجز دے باوجود استحکام دے اقدامات اتے اصلاحات دے عمل نال مالیاتی اتے ٻاہرلے شعبے دے استحکام کوں یقینی ٻݨایا ڳئے۔ سمگلنگ، غیر قانونی ٹرانزیکشنز اتے ایکس چینج کمپنیاں دے خلاف کاررائیاں دے نتیجے اچ 5 ستمبر دے بعد ڈالر دے مقابلہ پاکستانی کرنسی دی قدر نو فیصد ودھی اے۔ سٹاف لیول دے معاہدے دی منظوری دے بعد پاکستان کوں آئی ایم ایف دی 700 ملین ڈالر دی قسط مل ڳئی اے۔ توقع اے جو پاکستان کوں ݙوپاسہ اتے کثیر الجہتی شراکتداراں توں 4.5 ارب ڈالر دا تعاون ملسی۔ بدھ کوں آئی سی ایم اے کوں خصوصی انٹرویو ݙیندیں ہوئیں وزیرخزانہ آکھیا جو مالی سال 23-2024 پاکستان دی معیشت کیتے کئی چیلنجز نال شروع تھیے۔ پاکستان دی معیشت کوں گزریل سال آوݨ آلے چھل دے نقصان اتے تباہ کاریاں دا سامݨا رہیے۔ زرمبادلہ اتے ترسیلات زر دے مسئلیاں پاروں مالی اتے حسابات جاریہ دے کھاتیاں دے خسارے سویں مسئلے ہن۔ ایندے نال نال یوکرائن سویں مسئلیاں پاروں بین الاقوامی منظر نامہ وی موافق کائنا ہئی جئیں نال ٻئے ملکاں وانڳ پاکستان وی متاثر تھیے۔ انہاں آکھیا جو سرمایہ کاری، برآمدات اچ ودھارا، آمدݨ اتے روزگار دے موقع ݙیوݨ اتے کیپیٹل مارکیٹ دی بہتری نگران حکومت دی پہلی ترجیح اے۔