وفاقی کابینہ آئی ٹی شعبے سانڳے 3 پالیسیاں دی منظوری ݙے ݙتی، ملک اچ سائبر اسپیس کوں محفوظ بݨاوݨ سانڳے نیشنل سائبر کرائم انویسٹی گیشن اتھارٹی بݨائی ویسی ، نگران وزیر آئی ٹی عمر سیف

اسلام آباد۔13دسمبر(اے پی پی) نگرا ن وفاقی وزیر انفارمیشن ٹیکنالوجی عمر سیف آکھیے جو وفاقی کابینہ آئی ٹی شعبے سانڳے 3 پالیسیاں دی منظوری ݙے ݙتی اے۔ ملک اچ سائبر اسپیس کوں محفوظ بݨاوݨ سانڳے نیشنل سائبر کرائم انویسٹی گیشن اتھارٹی بݨائی ویسی۔ ملک اچ وختی فائیو جی ٹیکنالوجی متعارف کرائی ویسی ۔ او وفاقی کابینہ اجلاس دے بعد وفاقی وزرا ء دے رلے میڈیا کوں بریفنگ ݙیندے پئے ہن۔ وفاقی وزیر آئی ٹی عمر سیف آکھیے اڄ کابینہ ترائے وݙے فیصلے کیتن ۔ کابینہ آئی ٹی سیکٹر ںال جڑیے پاکستان اچ پہلی سپیس پالیسی منظور کیتی اے ۔ اے پالیسی اتنی ہی ضروری اے جتنی ساݙی ٹیلی کام پالیسی ضروری ہئی ۔ انہاں آکھیے تساکوں پتہ ا جو پاکستان اچ پہلے پی ٹی سی ایل ہوندی ہئی تے ایں سیکٹر کوں ریفارم کرݨ سانڳے ٹیلی کام ایکٹ گھن آیا ڳیا تے اجازت ݙتی ڳئی جو پرائیویٹ سیکٹر وی سپیکٹرم گھن تے ٹیلی کام سروسز آفر کرسڳن ۔ ہݨ ساریں دے ہتھ اچ فون تے سماں ہن ، ہݨ تساکوں لینڈ لائن گھنݨ سانڳے ݙو اہم این ایز دی سفارش دی لوڑھ نی پوندی ۔ انہاں آکھیے جو اساں پرائیویٹ ٹیلی کام آپریٹرز کوں سپیکٹرم دی اجازت ݙتی۔ ایندے اچ حکومت دے نال نال نجی شعبہ وی اپݨی سروسز ݙے سڳدے ،پرائیویٹ سیکٹر اچ ٻہوں ڈویلپمنٹ تھئی اے ، ہݨ ممکن تھی ڳئے جو پاکستان اچ کمیونیکیشن سروسز، انٹر نیٹ ڈیٹا سروسز سیٹلائٹ دے ذریعے ݙتا ونڄ سڳسی تے اے ٹیکنالوجی پرائیویٹ سیکٹر کنے ہے ۔ انہاں آکھیے کابینہ توں سپیس پالیسی دی منظوری نال ہݨ پرائیویٹ سیکٹروی ایں شعبے اچ سروسز ݙے سڳسی تے ایندے اچ ٻہوں ساریاں کمپنیاں ایہا سروسز آفر کریندیاں پئن ۔ انہاں آکھیے اساں جیڑھی پالیسی بݨائی اے او متوازن پالیسی اے۔