نگران وزیراعلیٰ پنجاب گرین ہائیڈروجن پراجیکٹ دی منظوری ݙے ݙتی

لاہور۔14دسمبر(اے پی پی)نگران وزیراعلیٰ پنجاب محسن نقوی گرین ہائیڈروجن پراجیکٹ دی منظوری ݙتی اے اتے ایں سانڳے صوبے اچ جامع پلان منڳ ڳھدے۔ اے منظوری لاہور اچ نگران وزیراعلی دی اڳواݨی اچ تھیوݨ آلے اجلاس اچ ݙتی ڳئی۔ اجلاس اچ پنجاب اچ متبادل انرجی کیتے گرین ہائیڈروجن پراجیکٹ دا جائزہ ڳھدا ڳیا۔ گرین ہائیڈروجن ماحول دوست اتے بہترین متبادل انرجی اے۔ ایں بارے سیکرٹری انرجی گرے، بلیو اتے گرین ہائیڈروجن انرجی تے بریفنگ ݙتی جو جدید ٹیکنالوجی نال پاݨی الیکٹرولائز کر تے آکسیجن اتے ہائیڈورجن کوں انڄھ کیتا ویندے، منصوبے نال 38 ملین ڈالر زرمبادلہ دی بچت اتے 8 توں 10 ہزار لوکاں کیتے ملازمتاں نکلسن۔