الیکشن کمیشن تحریک انصاف انٹرا پارٹی انتخابات کیس دا فیصلہ محفوظ کرڳھدا

اسلام آباد۔18دسمبر(اے پی پی) الیکشن کمیشن پاکستان تحریک انصاف دے انٹرا پارٹی انتخابات دے کیس دا فیصلہ محفوظ کرڳھدے۔ الیکشن کمیشن اچ چیف الیکشن کمشنر سکندر سلطان راجہ دی سربراہی اچ پنج رکنی بینچ کیس دی سماعت کیتی۔تحریک انصاف دی طرفوں بیرسٹر علی ظفر دلائل ݙتےپی ٹی آئی دے چیئرمین بیرسٹر گوہرعلی خان وی ایں موقع تے موجود ہن ۔ درخواست گزار اکبر ایس بابر اتے ٻئے وی آپݨے وکیلاں دے ذریعے سماعت اچ موجود رہیے۔ پی ٹی آئی دے وکیل اپݨے دلائل اچ آکھیے جو پارٹی دے چیئرمین دی مدت 5 سال جݙاں جو پینل دی مدت 3 سال اے۔جے عہدیداران داانتخاب بلامقابلہ ہووے تاں انتخابات دی لوڑھ نی ہوندی ۔ ساݙے انتخابات بلامقابلہ تھئن۔ انٹراپارٹی انتخابات متعلق کہیں قانون اچ طریقہ کار مقرر کائنی ۔ ممبر کمیشن آکھیے انٹراپارٹی انتخابات اچ شیڈول تاں ݙتا ونڄ سڳدے ۔ آئین اچ موجود اے انتخابات قانون دے مطابق ہوون پی ٹی آئی دے وکیل موقف اختیارکیتے جو انہاں اخبارات دے ذریعے پارٹی انتخابات دا ݙسایا ۔ ممبر الیکشن کمیشن سوال کیتے جو اے پہلے ہی طے کر ڳھدا ہئی جو انتخابات بلامقابلہ تھیسن انتخابات دی جاہ دا نی ݙسایا ڳیا ۔ پی ٹی آئی دے وکیل ݙسائے جو ساݙے 8 لکھ 37 ہزار ووٹرز ہن۔ اکبر ایس بابر دے علاوہ کوئی درخواست گزار ساݙا ممبر کائنی رہیا ۔ بعد اچ الیکشن کمیشن فیصلہ محفوظ کر ڳھدا۔