امن و استحکام پہلی ترجیح، بی این اے دے سربراہ دا سنڳت سودھا ہتھیار سٹݨ پاکستان اتے بلوچستان کیتے وݙی اڳونہی اے، نگران وزیراعظم انوار الحق کاکڑ

اسلام آباد۔20دسمبر(اے پی پی):نگران وزیراعظم انوار الحق کاکڑ آکھیے جو امن و استحکام پہلی ترجیح اے، بی این اے دے سربراہ دا سنڳت سودھا ہتھیار سٹݨ پاکستان اتے بلوچستان کیتے وݙی اڳونہی اے۔ اپݨے ٹویٹ اچ انہاں آکھیا جو بی این اے دے سابق سربراہ گلزار امام شمبے دی گرفتاری اتے قومی دھارے اچ رلاوݨ دے بعد اے ݙوڄھی وݙی کامیابی اے، علیحدگی پسندعسکریت پسنداں کوں قومی دھارے اچ رلاوݨ کیتے ساݙی ریاست اتے ادارے یک جہتی کوں امن کیتے ودھیندے پین، اے اقدام دیرپا امن، افہام و تفہیم ودھاوݨ اتے کمیونٹیز دی تعمیرنو دا عکاس اے۔ انہاں اکھیا جو اساں رل تے آوݨ آلی نسل کیتے ہک یکسو تے محفوظ مستقبل دی راہ سودھی کریندے پئے ہیں۔ انہاں ایں کامیابی تے قانون نافذ کرݨ آلے اداریاں، انٹیلی جنس ایجنسیاں خاص کر آئی ایس آئی دی تعریف کیتی ڄئیں ایں اوکھے خفیہ آپریشن دی قیادت اتے منصوبہ بندی کرتے ایکوں توڑ پچائے۔