وزیراعظم دا خیبر میڈیکل کالج پشاور، ایوب میڈیکل ایبٹ آباد کوں اپ گریڈ کرݨ دا اعلان

پشاور۔ 20 دسمبر(اے پی پی)نگراں وزیراعظم انوار الحق کاکڑ خیبر میڈیکل کالج پشاور اتے ایوب میڈیکل  کالج  ایبٹ آباد کوں پبلک سیکٹر دی میڈیکل یونیورسٹیاں دے طور تے اپ گریڈ کرݨ دا اعلان کیتے۔ او گورنر ہاؤس پشاور اچ خیبر میڈیکل کالج پشاور دے سابق طلباء ولوں ایسوسی ایشن آف فزیشنز آف پاکستان ڈیسنٹ آف نارتھ امریکہ (اے پی پی این اے) دے 46 ویں سالانہ اجلاس نال خطاب کریندے پئے ہن۔ وزیراعظم آکھیا جو کے ایم سی اتے اے ایم سی کوں پبلک سیکٹر دی میڈیکل یونیورسٹیاں دے طور تے اپ گریڈ کرݨ دا عملی کم متعلقہ حکام کوں تیکھے شروع کرݨا چاہیدے، وزیر اعظم خیبر پختونخواہ دے عوام اتے اے پی پی این اے دے مطالبات تے گورنر اتے وزیر اعلیٰ خیبر پختونخوا کوں آکھیا جو خیبر پختونخوا اچ پبلک سیکٹر اچ کے ایم سی اتے اے ایم سی کوں مکمل میڈیکل یونیورسٹیاں اچ اپ گریڈ کیتا ونڄے، امریکہ اتے ٻئے ملکاں اچ کم کرݨ آلے پاکستانی ڈاکٹرز بیرون ملک پاکستان دے سفیر ہین جیندی طبی شعبہ اچ خدمات انسان دوستی دی مثال ہین، خؤشی اے جو امریکہ اچ پاکستانی ڈاکٹراں اپݨے ہم وطناں نال تکڑے تعلقات رکھین اتے ہر ݙکھ سکھ اچ پاکستان دا ہتھ ونݙائے، پاکستانی ڈاکٹراں امریکہ سودھا پورے ڄڳ اچ اپݨیاں صلاحیتاں اتے پیشہ ورانہ مہارت کوں منوائے، وݙی محنت اتے لڳن نال فرائض نبھاوݨ انہاں دی سنڄاݨ اے۔