فلسطین اچ امن پورے ڄڳ دی ذمہ واری اے، عالمی برادری فلسطین اچ فوری جنگ بندی کیتے کردار ادا کرے، نگران وفاقی وزیر اطلاعات مرتضیٰ سولنگی دی اردن دے سفیر نال ملاقات

اسلام آباد۔21دسمبر(اے پی پی)نگران وفاقی وزیر اطلاعات، نشریات و پارلیمانی امور مرتضیٰ سولنگی فلسطین اچ امدادی سرگرمیاں اچ اردن دے کردار دی تعریف کریندے آکھیے جو فلسطین اچ امن پورے ڄڳ دی ذمہ واری اے، عالمی برادری فلسطین اچ فوری جنگ بندی کیتے کردار ادا کرے۔ انہاں اے ڳالھ اردن دے سفیر ڈاکٹر معن خریسات نال ملݨ ویلھے آکھی۔ انہاں ݙوہاں ملکاں اچ آندے عام انتخابات، فلسطین اتے اسرائیل وچال جنگ بندی، علاقائی سلامتی دی صورتحال، میڈیا دے شعباں اچ تعاون سودھا ٻئے معاملیاں تے الایا۔ وفاقی وزیر اطلاعات آکھیا جو فلسطین دی صورتحال نہ صرف مسلم امہ ٻھل پورے ڄڳ کیتے چنتے آلی اے، اساں فلسطینی عوام نال مکمل یکجہتی کریندے ہیں۔ اردن دے سفیر آکھیا جو غزہ اچ خوراک نال ملݨ پاروں انسانی بحران سامݨے آندا پئے۔