الیکشن کمیشن کاغذات نامزدگی جمع کراوݨ دی تاریخ 24 دسمبر تئیں ودھا ݙتی

اسلام آباد۔22دسمبر(اے پی پی)الیکشن کمیشن سیاسی جماعتاں دے مطالبے اتے امیدواراں دی سہولت کیتے کاغذات نامزدگی جمع کراوݨ دی تاریخ 24 دسمبر تئیں توسیع کر ݙتی اے۔ الیکشن کمیشن تاریخ اچ توسیع دا اعلامیہ جاری کر ݙتے جیندے مطابق کاغذات نامزدگی متعلقہ ریٹرننگ افسران کوں دفتری اوقات اچ 24 دسمبر آݙت تئیں جمع کرائے ونڄ سڳدن۔ سیاسی جماعتاں مخصوص نشستاں کیتے ترجیحی فہرست  متعلقہ افسران کوں جمع کراون۔ ریٹرننگ افسران کاغذات نامزدگی دی جانچ پڑتال 25 تا 30 دسمبر تئیں کریسن۔ الیکشن کمیشن ولوں انتخابی پروگرام 15 دسمبر اچ باقی ساریاں سرگرمیاں شیڈول دے مطابق ہوسن ڄݙاں جو پولنگ 8 فروری کوں تھیسی۔