ایف آئی اے اینٹی کرپشن سرکل اسلام آباد دی کارروائی ، جعلی ڈگری ٻݨاوݨ اچ ملوث مرکزی ملزم گرفتار

اسلام آباد۔23دسمبر(اے پی پی)ایف آئی اے اینٹی کرپشن سرکل اسلام آباد جعلی ڈگری ٻݨاوݨ اچ ملوث مرکزی ملزم محمد امین بیگ کوں گرفتار کر ڳھدے۔ ترجمان ایف آئی اے ݙسائے جو ملزم اوپن انٹرنیشنل یونیورسٹی سری لنکا دے ناں تے جعلی ڈگری جاری کریندا ہا۔ ملزم کئی ایجنٹاں دے ذریعے جعلی اتے غیر قانونی ادارہ چلیندا پیا ہا، ملزم کوں اسلام آباد دے علاقے ایف ٹین توں گرفتار کیتے۔ پہلے توں گرفتار سابق سی ای او ڈریپ وی مذکورہ جعلی ڈگری ملزم توں ڳھدی ہئی۔ ملزم کوں پہلے توں گرفتار ملزم دی ݙس تے ہی گرفتار کیتا ڳئے۔ ملزم ڈپلومہ اتے سرٹیفکیٹ دے اجراء کیتے جعلی بین الاقوامی کونسل وی چلیندا رہے۔ گرفتار ملزم ایم ڈی دی ڈگری کیتے ہک ہزار امریکی ڈالر اتے پی ایچ ڈی دی ڈگری کیتے 1500 ڈالر ڳھندا ہا۔

ترجمان آکھیے جو چھاپے اچ وݙی تعداد اچ پرنٹڈ ڈگری سرٹیفکیٹس، ایمبوز مہریں، جعلی یونیورسٹی دیاں مہراں اتے داخلہ فارم وی ملین۔ پہلے توں گرفتار ملزم شیخ اختر حسین جعلی ڈگری تے ڈریپ اچ سی ای او لڳیے ہن۔ معاملے دی تحقیقات کیتے انٹرپول دے ذریعے سری لنکن حکام نال وی ر ابطہ کر ڳھدا ڳئے اتے ملزمان توں تفتیش کیتی ویندی پئی اے۔