پاکستان ہمیشہ توں پرامن، خوشحال، مستحکم اتے منسلک افغانستان چاہندے، ترجمان دفتر خارجہ

اسلام آباد۔28دسمبر(اے پی پی)پاکستان آکھیے جو ساڈا خطہ ملک دی خارجہ پالیسی دا اہم حصہ اے، پاکستان ہمیشہ توں پرامن، خوشحال، مستحکم اتے منسلک افغانستان چاہندے تاں جو افغانستان ساݙے خطے کیتے تجارتی و توانائی رابطے دا رستہ ٻݨ تے ابھرے۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے جو پاکستان ایں سال افغانستان اچ امن ودھاوݨ کیتے اجلاساں اتے میکانزم اچ شرکت کیتی، پاکستان افغانستان نال ڳالھ مہاڑ کیتے تیار اے تاں جو ݙوہیں ملک خاص طور تے اقتصادی شعبے اچ تعاون دے امکانات غولیندے پئے ہیں، اساں سکیورٹی اتے بارڈر مینجمنٹ بارے افغان حکام نال رابطے اچ ہیں۔ انہاں آکھیا جو ایران نال وی تعلقات اڳو تے ودھین اتے کئی شعبیاں اچ ادارہ جاتی تعاون تے اتفاق تھئے جیندے اچ جون اچ پنڄ سالہ سٹریٹجک تجارتی تعاون دے منصوبے (2023-28) تءے دستخط وی شامل ہین، ایں سانڳے 5 ارب ڈالر دی فو طرفہ تجارت دا ہدف ملیے ڄݙاں جو وسطی ایشیائی ملکآں نال تکڑے تعلقات اڳو تے ٹورین، ای سی او سانڳے پاکستان تجارت، نقل و حمل، رابطے، توانائی، سیاحت اتے اقتصادی ترقی و پیداوار اچ علاقائی تعاون ودھائے۔