اسلام آباد۔1جنوری (اے پی پی) نگران وزیراعظم انوار الحق کاکڑ آکھیا جو یوریا دی طلب تے رسد دی کڑی نگرانی ،کھاد دی ذخیرہ اندوزی اتے ناجائز منافع خوری اچ ملوث عناصر دے خلاف قانونی کارروائی کیتی ونڄے۔ کساناں دا استحصال کرݨ آلیاں کوں معاف نہ کریسوں۔سنوار کوں وزیراعظم آفس دے میڈیا ونگ توں جاری پریس ریلیز موجب نگران وزیراعظم انوار الحق کاکڑ دی صدارت اچ ملک اچ یوریا کھاد دی …
یوریا دی طلب تے رسد دی کڑی نگرانی ،کھاد دی ذخیرہ اندوزی اتے ناجائز منافع خوری اچ ملوث عناصر دے خلاف قانونی کارروائی کیتی ونڄے، نگران وزیراعظم انوار الحق کاکڑ دی ہدایت
مزید خبراں
اسلام آباد۔1جنوری (اے پی پی) نگران وزیراعظم انوار الحق کاکڑ آکھیا جو یوریا دی طلب تے رسد دی کڑی نگرانی ،کھاد دی ذخیرہ اندوزی اتے ناجائز منافع خوری اچ ملوث عناصر دے خلاف قانونی کارروائی کیتی ونڄے۔ کساناں دا استحصال کرݨ آلیاں کوں معاف نہ کریسوں۔سنوار کوں وزیراعظم آفس دے میڈیا ونگ توں جاری پریس ریلیز موجب نگران وزیراعظم انوار الحق کاکڑ دی صدارت اچ ملک اچ یوریا کھاد دی دستیابی بارے اہم اجلاس تھیا۔ اجلاس دے شرکاء نال ڳالھ مہاڑ کریندیں ہوئیں نگران وزیراعظم آکھیا جو ملک اچ یوریا کھاد دی لوڑھ دے مطابق دستیاب اے۔ انہاں آکھیا جو یوریا دی طلب تے رسد دی کڑی نگرانی ،کھاد دی ذخیرہ اندوزی اتے ناجائز منافع خوری اچ ملوث عناصر دے خلاف قانونی کارروائی کیتی ونڄے۔اجلاس اچ نگران وفاقی وزیر خزانہ ڈاکٹر شمشاد اختر ، نگران وفاقی وزیر توانائی محمد علی ، نگران وفاقی وزیر قومی غذائی تحفظ کوثر عبداللہ ملک ،نگران وفاقی وزیر تجارت گوہر اعجاز، نگران صوبائی وزراء اعلیٰ اتے متعلقہ سرکاری افسرشریک تھیے۔
