اسلام آباد۔1جنوری (اے پی پی)نگران وزیراعظم انوار الحق کاکڑ افغان ٹرانزٹ ٹریڈ دے ٹریکنگ نظام کوں فول پروف ٻݨاوݨ اتے انٹیگریٹڈ ٹریڈ مینجمنٹ سسٹم کیتے فوری حکمت عملی ٻݨاوݨ دی ہدایت ݙیندیں ہوئیں آکھیا جو پاکستان دی معاشی اوکھ دی وݙی وجہ سمگلنگ اے۔ سنوار کوں نگران وزیراعظم انوار الحق کاکڑ دی صدارت افغان ٹرانزٹ ٹریڈ اتے انسداد سمگلنگ بارے ہک اہم جائزہ اجلاس تھیا جئیں اچ وزیراعظم کوں متعلقہ …
افغان ٹرانزٹ ٹریڈ دے ٹریکنگ نظام کوں فول پروف ٻݨاوݨ اتے انٹیگریٹڈ ٹریڈ مینجمنٹ سسٹم کیتے فوری حکمت عملی ٻݨائی ونجے، نگران وزیراعظم انوار الحق کاکڑ دی ہدایت
مزید خبراں
اسلام آباد۔1جنوری (اے پی پی)نگران وزیراعظم انوار الحق کاکڑ افغان ٹرانزٹ ٹریڈ دے ٹریکنگ نظام کوں فول پروف ٻݨاوݨ اتے انٹیگریٹڈ ٹریڈ مینجمنٹ سسٹم کیتے فوری حکمت عملی ٻݨاوݨ دی ہدایت ݙیندیں ہوئیں آکھیا جو پاکستان دی معاشی اوکھ دی وݙی وجہ سمگلنگ اے۔ سنوار کوں نگران وزیراعظم انوار الحق کاکڑ دی صدارت افغان ٹرانزٹ ٹریڈ اتے انسداد سمگلنگ بارے ہک اہم جائزہ اجلاس تھیا جئیں اچ وزیراعظم کوں متعلقہ حکام ولوں انسداد سمگلنگ بارے بریفنگ ݙتی ڳئی۔ اجلاس دے شرکاء نال ڳالھ مہاڑ کریندیں ہوئیں وزیراعظم آکھیا جو پاکستان دی معاشی اوکھ دی وݙی وجہ سمگلنگ اے۔ افغان ٹرانزٹ ٹریڈ دے ٹریکنگ نظام کوں فول پروف ٻݨاوݨ اتے انٹیگریٹڈ ٹریڈ مینجمنٹ سسٹم کیتے فوری حکمت عملی ٻݨائی ونجے۔اجلاس اچ افغان ٹرانزٹ ٹریڈ دی تحقیقات کرݨ آلی انکوائری کمیٹی ولوں تحقیقات تے جاری پیش رفت تے وزیراعظم کوں بریفنگ ݙتی ڳئی۔ اجلاس اچ نگران وزیر خزانہ ڈاکٹر شمشاد اختر ، نگران وفاقی وزیر تجارت گوہر اعجاز، خیبر پختونخوا اتے بلوچستان دے اعلیٰ افسران ، حساس اداریاں دے نمائندے اتے متعلقہ سرکاری افسر شریک تھیے۔
