اسلام آباد۔2جنوری (اے پی پی) نگران وفاقی وزیر برائے منصوبہ بندی، ترقی تے خصوصی اقدامات محمد سمیع سعید نال منگل کوں چین دے چانگ چیانگ چیمبر آف کامرس دے چیئرمین لی ٹنگ دی قیادت اچ ہک اعلیٰ سطحی تجارتی وفد ملاقات کیتی۔ ملاقات دا مقصد پاکستان اتے چین وچال مختلف شعبیاں اچ تعاون دے موقع، کاروبار ودھاوݨ اتے سرمایہ کاری دے نویں موقع ڳولݨ ہئی۔ اٹھ ارکان دے وفد اچ …
نگران وفاقی وزیر محمد سمیع سعید نال چین دے چانگ چیانگ چیمبر آف کامرس دے چیئرمین دی قیادت اچ اعلیٰ سطحی تجارتی وفد دی ملاقات
مزید خبراں
اسلام آباد۔2جنوری (اے پی پی) نگران وفاقی وزیر برائے منصوبہ بندی، ترقی تے خصوصی اقدامات محمد سمیع سعید نال منگل کوں چین دے چانگ چیانگ چیمبر آف کامرس دے چیئرمین لی ٹنگ دی قیادت اچ ہک اعلیٰ سطحی تجارتی وفد ملاقات کیتی۔ ملاقات دا مقصد پاکستان اتے چین وچال مختلف شعبیاں اچ تعاون دے موقع، کاروبار ودھاوݨ اتے سرمایہ کاری دے نویں موقع ڳولݨ ہئی۔ اٹھ ارکان دے وفد اچ مختلف صنعتاں درآمد تے برآمد، ٹیکنالوجی، الیکٹرانکس، مشینری، دفتری سامان، ملبوسات اتے تعمیراتی مواد دے شعبے دی نمائندگی کیتی۔ وفاقی وزیر محمد سمیع سعید سرمایہ کاری کیتے اہم شعبیاں تے زور ݙتا جئیں اچ زراعت، آئی ٹی اتے ٹیلی کام، مائنز اینڈ منرلز اتے توانائی دے شعبے شامل ہن۔ وفد وزیر منصوبہ بندی کوں خصوصی سووینئر پیش کیتے جڈانجو وفاقی وزیر ولوں وی وفد کوں سووینیئر پیش کیتا ڳئیا۔
