بینائی توں محروم لوکاں دی علم اتے کتاباں تئیں رسائی ودھاوݨ کیتے اقدامات ضروری ہن، صدر ڈاکٹر عارف علوی

اسلام آباد۔3جنوری  (اے پی پی)صدر مملکت ڈاکٹر عارف علوی آکھیا جو بینائی توں محروم بندیاں دی علم اتے کتاباں تئیں رسائی ودھاوݨ کیتے اقدامات ضروری ہن۔ او نیشنل بُک فاؤنڈیشن دے کردار اتے کارکردگی تے بریفنگ دے موقع تے خطاب کریندے پئے ہن۔ اجلاس اچ   وزارت ِتعلیم دے اعلیٰ حکام  وی شریک ہن ۔  نیشنل بُک فاؤنڈیشن  دے منیجنگ  ڈائریکر ڈاکٹر راجہ مظہر حمید    فاؤنڈیشن دے کردار اتے کارکردگی تے بریفنگ ݙیندیں ہوئیں ݙسیا جو نیشنل بک فاؤنڈیشن ڈسلیکسیا (پڑھݨ اچ اوکھ) توں متاثرہ بندیاں کیتے خصوصی کم کریندی پئی اے۔ فاؤنڈیشن ڈسلیکسیا  توں لوکاں کیتے کتاباں ٻݨٰنیدی پئی اے۔ ڈسلیکسیا دے شکار ٻالاں کیتے پریپ توں اٹھویں جماعت تئیں کتاباں ٻݨائی ویندی پئن۔