پاکستان اچ سارے مذاہب دے منݨ آلیاں کوں آپݨے عقیدے دے مطابق زندگی گزارݨ دی آزادی اے، نگران وفاقی وزیر برائے مذہبی امور

اسلام آباد۔5جنوری  (اے پی پی) نگران وفاقی وزیر برائے مذہبی امور انیق احمد آکھیا جو اساکوں آپݨے معاشرے کوں سوھݨا اتے مضبوط ٻݨاوݨ کیتے بین المذاہب ہم آہنگی آلے پاسے ودھݨا پوسی۔ حکومت ایں بارے کم کریندی پئی اے۔ اساکوں بحث توں ودھ عملی اقدامات آلے پاسے توجہ ݙیوݨی پوسی۔ جمعے کوں اقرا یونیورسٹی اچ بین المذاہب ہم آہنگی سیمینارتوں خطاب کریندیں ہوئیں انہاں آکھیا جو نینگر ملک دا مسقتبل ہن۔ انہاں دی اکھیں دی روشنی اتے خواب ݙینھ تے ملک دا روشن مستقبل ݙیکھدا پیاں۔ ملک دی نینگر نسل کوں بین الذاہب ہم آہنگی نال سنڄاݨ کراوݨ ٻہوں ضروری اے۔ انہاں آکھیا جو پاکستان اچ سارے مذاہب دے منݨ آلیاں کوں آپݨے عقیدے دے مطابق زندگی گزارݨ دی آزادی اے۔