ملک اچ قومی پولیو مہم شروع تھی ڳئی اے، پاکستان توں پولیو دا خاتمہ اساݙی پہلی ترجیح اے، ڈاکٹر ندیم جان

اسلام آباد۔8جنوری  (اے پی پی) نگران وفاقی وزیربرائے قومی صحت ڈاکٹر ندیم جان  آکھیا جو ملک اچ قومی پولیو مہم شروع تھی ڳئی اے، پاکستان توں پولیو دا خاتمہ اساݙی پہلی ترجیح اے۔ سنوار کوں پولیو مہم شروع تھیوݨ تے آپݨے سنیھے اچ انہاں آکھیا جو چار کروڑ 40 لکھ توں ودھ ٻالاں کوں پولیو توں بچاؤ دے قطرے پلائے ویسن۔ انہاں والدین توں درخواست کیتی جو آپݨے ٻالاں کوں مستقل معذوری توں بچاؤ اتے آپݨے پنڄ سالیں توں ڳھٹ عمر دے ٻالاں کوں پولیو دے قطرے پلائن ونڄن۔ پاکستان توں پولیو دا خاتمہ اساݙی پہلی ترجیح اے۔ پاکستان توں پولیو دے خاتمے تئیں چین نال نہ ٻہسوں۔