شہریاں دے مسئلیاں دے حل اچ شہریاں دا کردار ٻہوں ضروری اے، مقامی حکومتاں ملک اچ مقامی سطح تے تبدیلی دے اصل محرک ہن، انہاں دے بغیر جمہوریت اتے تلویں سطح تے مسئلیاں دا حل ممکن کائنی، مرتضیٰ سولنگی

اسلام آباد۔16جنوری  (اے پی پی) نگران وفاقی وزیر اطلاعات، نشریات تے پارلیمانی امور مرتضیٰ سولنگی آکھیا جو شہریاں دے مسئلیاں دے حل اچ شہریاں دا کردار ٻہوں ضروری اے، مقامی حکومتاں ملک اچ مقامی سطح تے تبدیلی دے اصل محرک ہن، انہاں دے بغیر جمہوریت اتے تلویں سطح تے  مسئلیاں دا حل ممکن کائنی۔ اے ڳالھ انہاں منگل کوں ݙو ݙینھ دی کانفرنس برائے سِوک ہیکاتھون ”مسائل دی شناخت“ دی افتتاحی تقریب توں خطاب کریندیں ہوئیں آکھی۔ نگران وفاقی وزیر اطلاعات کانفرنس دے افتتاحی سیشن اچ شرکت تے خوشی دا اظہار کریندیں ہوئیں آکھیا جو کانفرنس ملک دے اہم ترین شہری مسئلیاں دی اجتماعی طور نشاندہی کیتے سرکاری اتے نجی شعبے دے ماہرین اتے سول سوسائٹی کوں ہک پلیٹ فارم ݙیندی پئی اے۔ انہاں آکھیا جو کانفرنس دا بنیادی مقصد انہاں مسئلیاں دے حل کیتے ڈیجیٹل حل تیار کرݨ دی کوشش کیتی اے۔ نگران وفاقی وزیر اطلاعات آکھیا جو پاکستان اچ جدت دے حامل مقامی حل تیار کرݨ تے توجہ ݙیوݨ دی ٻہوں صلاحیت موجود اے۔ شہریاں دے مسئلیاں دے حل اچ شہریاں دا کردار ٻہوں ضروری اے، مقامی حکومتاں ملک اچ مقامی سطح تے تبدیلی دے اصل محرک ہن، انہاں دے بغیر جمہوریت اتے تلویں سطح تے  مسئلیاں دا حل ممکن کائنی۔