اداریاں وچال ہم آہنگی نہ ہووے تاں معاشرہ ترقی نی کر سڳدا، اساکوں او فیصلے کرݨے چاہیدن جیڑھے ملک دے فیدے اچ ہوون، سپیکر قومی اسمبلی

اسلام آباد۔16جنوری  (اے پی پی) سپیکر قومی اسمبلی راجہ پرویز اشرف آکھیا جو توقع اے جو اٹھ فروری کوں منتخب تھیوݨ آلی قومی اسمبلی اقدار کوں ڳھن تے چلسی، نو مئی کوں ریڈ لائن کراس کیتی ڳئی، اداریاں وچال ہم آہنگی نہ ہووے تاں معاشرہ ترقی نی کر سڳدا، اساکوں او فیصلے کرݨے چاہیدن جیڑھے ملک دے فیدے اچ ہوون۔ اے ڳالھیں انہاں منگل کوں پارلیمنٹ ہاؤس اچ پارلمینٹری رپورٹرز ایسوسی ایشن دے نویں دفتر دی افتتاحی تقریب دے موقع تے آکھی۔ ایں موقع تے  سینئر صحافی اتے قومی اسمبلی سیکرٹریٹ دے افسر وی موجود ہن۔ انہاں پی آر اے کوں نویں دفتر دی مبارخ ݙتی۔