آزادی صحافت بنیادی حق اے جیکوں کھسیا نئیں ونڄ سڳدا، وفاقی وزیر اطلاعات مرتضیٰ سولنگی دی پاکستان آبزرور دے چیئرمین نال ڳالھ مہاڑ

اسلام آباد۔16جنوری(اے پی پی)نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو آزادی صحافت بنیادی حق اے جیکوں کھسیا نئیں ونڄ سڳدا، انتخابات دی کوریج اچ میڈیا دا اہم کردار اے، میڈیا امیدواراں اتے ووٹرز وچال پل دا کردار ادا کریندے، میڈیا کوں شواہد آلے مستند معلومات ݙیوݨ کیتے غیر جانبدارانہ کردار ادا کرݨ دی لوڑھ اے۔ اے ڳالھ انہاں پاکستان آبزرور دے چیئرمین فیصل زاہد ملک نال ملݨ ویلھے آکھی۔ ملاقات اچ میڈیا، ریجنل پریس دے چیلنجز، آندے عام انتخابات اچ میڈیا دے کردار اتے آزادی صحافت تے الائے۔ انہاں آکھیا جو میڈیا دا کم حقائق آلیاں خبراں ݙیوݨ، رائے عامہ بہتر کرݨ اے، حکومت صحافیاں کوں تربیت اتے تکنیکی مدد ݙیوݨ تے کم کریندی پئی اے۔